話時話:結婚生仔唔係Must 寧缺勿濫的4大好處

講到大台姐仔,好多人都話一代不如一代,大家都好懷念一班早已離巢嘅姐仔。好似佘詩曼,相比起同年紀的女星,人家早已結婚生仔,仍然單身嘅佢,近年都活躍於內地,但不時都會Upload下相,曬下招牌笑容,發放正能量。正值放假嘅佢,更破例地Upload咗張低炒泳衣相,雖然只有背影,但阿佘的S身型同長腿都表露無遺,而且Keep得好好,完全睇唔出佢今年已經42歲啦。

一般嚟講女人踏入3字頭,都趕住嫁人,到4字頭小朋友都已經讀緊書。眼見身邊人人都沿住呢條潛規矩走,仍係單人嘅你又會點呢?有人可能搵個追求者拍下拖,睇下走唔走到落去,但仍有人好似阿佘咁,寧缺勿濫又有何不可?

Keep住外表的原動力

單身係令大家Keep住個外表的最大原動力,有時間做下運動,著重下健康,更懂得愛惜自己。

自由萬歲

預期搵一個人是但結婚生仔,不如自己一個開開心心過人生,自由地做自己想使嘅事,不必向另一半交代,係結後人士較難做到的。

The best is yet to come

好多人話女人年紀愈大Market愈細,但只要你相信,無論外在定內在都好好裝備自己,你找的人遲早都會出現的。

追尋人生目標

每個人的人生目標都唔同,有人認為係結婚生仔,有人認為係自由享受人生,所以黃金剩女也可以是一種幸福。

相片來源:charmaine_sheh @ig