話時話:五音不全的大家 點樣面對唱K呢回事

係人都知古天樂有兩個弱點,一係普通話,二係唱歌。前者,由當日笑到大家癲的「輪軚輪」,到今日聽古仔做訪問題,真係覺得佢普通話進步咗唔少。然而後者,古仔曾經講過佢最憎唱歌,當年只係被迫出唱片,但時至今日仍間唔中比大家係台上整蠱,迫佢唱返兩嘴。好似尋晚香港電影工作者總會春茗喺尖沙嘴舉行,古天樂以演藝人協會會長身份出席,同場重有 J Ariel、小肥等。春茗期間,大家係台上無啦啦唱起《男朋友》,而古仔眼見大家唱得咁投入,係群眾壓力之下,被迫地開金口一齊唱,成為全晚爆點。

而 J Arie現場拍片直擊,並表示「人生有咩癲得過,喺古先生面前,大大聲聲唱佢既金曲《男朋友》」眼見古仔中途開金口唱歌, J Arie都忍唔住大嗌:「好爆……真係好爆,多謝我嘅No.1偶像古生!!!Respect and love forever!」

事實上,唔係個個都有一把尤如歌手的歌喉,對於五音不全的大家,又怎樣面對被大家捉去唱K,再用群眾壓力迫你唱歌呢回事呢?以下呢4個絕對係最好的方法吧!

索性唔去

無論點迫你,你都誓死唔去,因為你知道入到K房,總有多嘴友迫你唱返兩句,簡單呢講即係迫你出醜。

狂做其他野

入到K房,你要扮到好忙,好似同朋友傾心事,又或飲酒猜枚之類,令其他人無機會迫你唱歌。

飲酒壯膽

如果迫你唱歌個個係你上司,天命難違的話,唯有飲酒壯壯膽,然後硬著頭皮唱一首交代下就算。

要求好朋友陪唱

如果在場有信得過的朋友,不妨邀請佢陪你一齊唱,但記住呢個人要信得過,否則佢中途唔唱,你重尷尬。

相片來源:jarielui @ig