話時話:女生要好好保護自己 呃女賤男嘅4種慣用模式

兩年前被爆搭上人妻裕美的黃子恆,當時未算受到大影響,如今係台慶劇《是咁的,法官閣下》有很重戲份,又被爆桃色糾紛。尋日有報道指,黃子恆與女fans發生性行為,目前女方懷孕4個月。而黃子恆亦有承認跟她發生過關係,而且有戴避孕套,但就堅稱只有一次,而呢年半都無再見面。而女方就話,二人係去年4月30日在廣州的fans聚會,其後以「交換禮物」之名係深圳一個酒店式住宅見面,繼而發生性行為,黃子恆事後消失一排,直到今年1月兩人再見面,7月份再一次發生關係,現時她已懷有四個月身孕。

相信不少女生都遇過呃女賤男,通常佢地的氹女手法或模式都離不開以下幾種,大家又可唔可以一眼分得出呢?

陪飲酒傾心事
賤男好多時都會話自己同女友或老婆有幾唔開心,已經接近分手邊緣,想你陪佢飲酒傾心事,等你覺得佢地好慘,繼而被氹上床。

夜媽媽先搵你
佢好日唔搵你,一搵都係夜媽媽搵你,又話自己好悶,叫出來同佢飲野吹水,重點係佢總會製造孤男寡女的環境。

只有佢搵你
簡單嚟講,呢種人總係漁翁撒網,好多時佢悶個陣就會搵下,唔搵你的話,一係氹緊其他女,一係忙緊,所以你未必搵到佢。

話題都係愛與性
同佢地傾計,話題總係圍繞愛與性,有關於女生的生活細節或日常生活習慣,佢都不感興趣,因為佢眼中只有「性」。

相片來源:hugo628 @ig