話時話:好馬不吃回頭草 覆水重收的3個理由

自從林峯同吳千語結束五年情,二人就各自各精彩,林峯好快就戀上大陸索模張馨月,既參加女友胞弟嘅婚禮,亦早已帶對方返廈門見家人,而張馨月亦不時黎香港,而IG相片不時晒闊太生活,又商務客位,又坐郵艇,高調晒愛。

至於千語BB,雖然同全國政協施子青長孫施伯雄Brian拍拖,但遲遲都未被男方承認女友身份,而且千語不時都係微博轉帖愛情文章,其中一篇文章講一對戀人分手後,其中一人想重新開始,可惜一切已成定局。難怪今日有周刊指千語想翻撻林峯,但已經林峯已有新歡,堅拒翻撻。

其實娛樂圈都有不少翻撻的例子,好似謝霆鋒同王菲,許志安同Sammi,甜蜜程度更勝往時。但正所謂「好馬不吃回頭草」,對於翻撻人士來講,覆水重收又有咩理由呢?

懷念舊情
回憶總係美好的,當一個人寂寞失落或同現任嗌交時,總會懷念舊情,與前度的歡樂畫面都會一一重現,再同現任比較時,方後悔昔日不懂珍惜。

成熟了
以前兩口子為一些雞毛蒜皮的事而嗌交,但當人大了、成熟了,才發現當年的分手原因係相當無謂。可以話係在錯的時間相戀,希望在對的時間復合。

唯獨你是不可取替
分手時以為大家可以搵到更好,但多年來尋尋覓覓先覺得對方係最好的,兩口子的回憶、默契度等都係無人可以取替。

相片來源:karena_ngs ,carina.xin @ig