話時話:杜汶澤暗指金像獎小圈子:「情願一個去食火鍋」

杜汶澤一向直言,佢早前出席受訪時炮轟稱,某些香港電影人是吃裡扒外的「港奸」,佢話:「如果要去金像獎頒獎禮見這些垃圾,我情願一個人去吃火鍋。」佢仲話「連我這麼弱的導演都可以提名新晉導演,香港電影也應該到了黃昏」雖然講到情願一個人去吃火鍋,但尋晚杜生竟然有出席金像獎,被問到對攞獎有無信心,佢竟然話:「最重要Enjoy個Party,呢啲小圈子選舉都係襯墟,志在享受」而佢支持的女主角提名人Stephy就未能拎獎,由《黃金花》的毛舜筠奪得最佳女主角。

講到小圈子呢樣嘢,真係非常得人驚,你會發現小圈子係無處不在,無論係學校定辦公室定家族都有。所謂小圈子,其實就係兩個人或上,不論係真心定利益輸送,只要佢地情投意合,自自然然形成小圈子。作為一個職場新人,第一個挑戰就係要埋堆,究竟應該點入手?

從對方衣著搵話題

細心留意對方的衣著,如果對方講求名牌,你返去問阿爸阿媽阿哥借啲好嘢嚟用下,名牌精見到你都係同道中人,自己打開有關名牌話題,但麻煩你事前要練讀下個Brand的資料啦。

午飯時間入手

如果同事們遲遲都無邀請你一齊去午飯,你就襯老細吹雞迫大家一齊食飯個陣,搵機會同同事們多傾計,爭取好印象。

別做豬隊友

新入職好多野都要適應,但記要話頭醒尾,打醒12分精神,比同事覺得你幾快上手(但又不能太叻),無拖慢大家進度,佢地自然對你有好印象,有機會便會拉你埋堆。

相片來源:杜汶澤@facebook