話時話:街市真係唔啱後生去?定係自己太無知?

近日網上有位港女投訴,去街市買魚時懷疑畀人呃,生劏後發現條魚凍冰冰,認為貨不對辦,檔主話佢儍,佢走去街市管理處投訴魚檔,反被管理處兩位女士教訓,話「魚喺冷氣下嘅凍水入面都係凍」!

事主唔岔氣,堅持自己受騙,仲喺FB群組《良景居民》貼文:「人哋話大陸人呃人,我覺得有啲香港人而家都一樣…真係欺人太甚,投訴無門!」

貼文一出,立即引來大批網民嘲笑無知:「乜魚有體溫架咩?佢可能以為買雞,劏完要暖暖哋」、「下次自己現場劏」,亦有人好心解釋絕大多數魚都係冷血動物,只有哺乳動物如鯨魚嘅體溫至有37度。

人無知真係好可怕!不如一齊睇吓更多港女無知事件簿,真係會O哂咀!

Fax放題

有港女於文具店傳真文件,問價時對方指一份4蚊,於是佢fax咗11頁文件,文具店最後收佢44蚊,佢好唔滿意,批評店員將一份等同一張計算,呼籲朋友唔好幫襯黑店。網民笑佢食「4蚊fax放題」,唔通傳真100張都係收4蚊,批評港女邏輯有問題,玩公審點知柒咗。

以為自己讀名校

連登討論區有巴打睇IG,發現有個港女,即將去英國讀大學,po張英國大學list嘅相出來,以為自己間學校排名全英第6好威,但仔細一睇,大家就會發現其實嗰個「第6」係根據英文字母排列嘅先後,佢間學校實際排名數未係右手邊,得93咋。咁傻嘅行為梗係遭到網友瘋狂追擊同埋恥笑啦,仲俾人推上熱門,港女即刻private IG潛咗水。

去水塘放生

有港女上載咗張相到個人社交平台,內容大致話自己去咗放生,仲要唔止一次,俾人發現佢拎咗淡水魚同烏龜仔去水塘放生。有人串佢水塘「放生定殺生?」,亦有眼利網民發現港女呢頭話放生,果頭走去食魚翅,「心地真係好好」咁話,此貼一出,立即引嚟全民圍插。

圖片來源

facebook群組《良景居民》