話時話:話極唔聽!限奶令講清邊啲係乖學生

早前無綫高層樂易玲向女藝員下禁令,表示係劇集及節目中禁止賣弄性感,當大家以為尋晚嘅50周年台慶,會變成無咩睇頭的「封胸台慶」,點解世事嘅野真係出乎意料地有驚喜,唔少女藝人妄顧一切繼續博到盡拋胸上陣,好似新一代咪神張秀文,上下皆大Deep V,而邵珮詩、沈卓盈、黃心穎等都倒奶現身,而咪神高海寧同馮盈盈就乖乖地封胸。

其實無論大人定小朋友,有時有啲嘢愈唔比佢做,佢就愈想做,好似學校校服、商場範圍禁煙之餘,呢啲除咗大家自己想做之外,唔多唔少都有反叛或引人注意嘅心態。以下呢個反叛心態,大家又有無試過?

打破校服規矩

女生裙要及膝,男生要打好條領帶,但往往同學們都要襯老師唔留意時,拉高條裙、鬆開領帶,比老師重好威咁款。

禁煙範圍吸煙

即做食肆全面禁煙,但仍有唔少人借啲意邊食邊吸。另外係Office或商場廁所都總有人唔聽話,相信主要因為煙癮起又懶。

女友唔聽話

有時男友唔比女友著得咁性感,但女友偏偏要著到行一行咁出去,除咗貪靚,最主要原因係鐘意男友關心。

老人家偷食

老人家為咗吸引後生的注意,明明唔比佢食某D食物,好似糖份高或高膽固醇食物,佢總係要係大家面前食,或偷偷地食,以為無人知。

相片來源:Jessie_sum , 張秀文 @ig