超會疑神疑鬼 女人最鍾意講:你對我唔係好似以前咁

女人究竟有幾多呢?呢個問題真係要搵專家都計唔掂,女人多心嘅程度係令好多男士措心不及,好似今集《講真嗰句》咁,女主角因為男主角嘅忽然冷淡而產生眾出奇怪諗法,完全係將幻想變成事實,只係男朋友一句「你瞓先啦」,就已經諗到對方係咪有咗第二個。雖則話作為女仔,有時有啲危機意識係好事,但如果終日疑神疑鬼,自己嚇自己嘅話,生活唔單止痛苦,而且缺乏信任嘅感情關情,根本唔可能長遠呢!以下3句女人最鍾意講嘅說話,大家一定有聽過囉!

「你唔係好似以前咁。」

當男仔一有任何改習慣上嘅改變,女仔就會直接跳去呢一句:「你唔係好似以前咁喇。」其實好多男人都想問一句「以前即係幾時?」真係令人摸不著頭腦。

「你唔再愛我喇。」

當女人疑心病升級,就會去到「愛」呢個層次,可能男人只係唔記得上年生日收過咩禮物,女朋友就會覺得無心裝載,情已逝,繼而講出呢句說話。

「你係咪有嘢瞞住我?」

呢個問題對於男人嚟講其實係大大笑話,講真邊有男人無秘密吖(唔信?你試下叫佢畀WhatsApp你睇佢肯唔肯?)所以係咪有嘢瞞住?絕對有;但要答呢,就要答「絕對無」,咁問嚟把鬼咩~