超準心理測驗 一張圖睇你似《延禧攻略》邊個角色

大熱宮廷劇《延禧攻略》進入白熱化劇情,大家對劇入面嘅角色都相當肉緊哩?呢套劇之所以咁成功,全因為角色性格鮮明,又人性化,令人容易投入。以下呢個係英國一個測試性格嘅超準心理測驗,你只需要憑感覺,揀一個你覺得最似自己嘅人,就可以知道你性格同《延禧攻略》入面邊位角色最似喇!

1、3、6、7 :魏瓔珞

代表你係堅強勇敢嘅人,就算面對強權都唔會屈服,反而激起你鬥志,愈戰愈勇;好似女主角魏瓔珞咁,敢愛敢恨,無懼重重難關都要同皇上一齊,正直堅強,並非一般受到挫折就要人呵護嘅溫室小花。

2、11、12、18、19 :爾晴(初版)

為人友善,樂於助人,唔會拒絕人哋嘅請求,而且天生喜歡鋤強扶弱,令每個身邊人都好信任人同樂意同你做朋友;同劇入面啱啱出場嘅爾晴一樣,未逆轉之前嘅爾晴非常友善可人,溫柔而且敦厚。

4 :愉貴人

追求安穩快樂嘅人生,淡泊名利,只希望做一個快樂無名嘅人,唔想得到咩金錢權力,只想精神上富足;同愉貴人一樣,有仔萬事足!

5 :順嬪

性格沉鬱穩重,喜歡一個人獨處,害怕群體活動。為人消極,往往都向最壞方向諗,而且缺乏行動力,只求安全;同劇中順嬪一出場嘅感覺一樣,沉穩但包藏禍心。

9 :明玉

永遠係別人眼中嘅開心果,好鍾意炒熱氣氛,係團體入面最令人快樂嘅人;明玉同樣係開心果,性格豪爽又開朗,單純地想人哋開心就夠。

13、21 :嫻妃(後期)

永遠無人知你諗乜,因為你永遠唔會將真實想法話畀人知,你唔相信任何人只相信自己;後期黑化之後嫻妃就係表表者!

8 :嘉嬪

為人有自己一套,唔理人點睇點講,忠於自己想法,喜歡沉醉於自己幻想之中,唔同人哋打交道;嘉嬪為高貴妃背後軍師,同於忠於自己「陰險害人」之道。

10、15 :高貴妃

非常世界仔,可以喺任何地方生存,可以好快同人混熟而且建立自己網絡,能夠利用所有環境去得到更好嘅條件;劇中高貴妃就係代表人物,利用人嘅能力非常高強!

14 :慶貴人

非常優柔寡斷,明明好多嘢睇唔過眼想去改,但又怕做錯決定,缺乏自信,唔相信自己有能力改變;慶貴人就係代表,想上位但又唔敢做,要靠人。

20:乾隆

具有領袖魅力而且好有自己想法,並希望全世界跟你想法做;不過好多時太獨斷,反而得唔到其他人相信;當然就係乾隆,唔使多解釋啦下嘛!

16:舒貴人

同樣鍾意幫助人,但同時間希望有相等嘅回報,希望得到愛護同照顧;尤如舒貴人,本來和善,一直希望皇上寵愛。

17:傅恆

天生識得去愛人,人哋無助時會伸出援手,不過同時亦希望有人可以依靠;劇中男二傅恆就係代表,同女主角有段淡然嘅愛,對佢更係癡心一片。