超級食物點止得牛油果奇亞籽藜麥 仲有以下幾種!

牛油果可以話係近年大興嘅食物,主要原因係因為其屬於「SuperFood」。營養值價極高,而且勿飽肚,又容易烹調,最緊要係味道好!所以成為好多女士嘅減肥修身美食。不過牛油果由於追捧關係,呢幾年嘅價格一直上升(美國去年牛油果及相關產品營利有上百億美元),其實已經算係貴價蔬果。大家都咁追捧SuperFood,就算你唔介意牛油果貴,但食得多都會厭啦;其實仲有唔少其他選擇,以下幾種食物,不妨考慮一下!

西蘭花

以平時香港最易接觸最貼地嘅蔬菜而言,西蘭花就一定係榜首,西蘭花內含多種礦物質,營養分比牛油果有過之而無不及,加上維他命C豐富,有效抗衰老,亦可製造膠原蛋白,可以話係天然嘅健康美容食品,最重要係價錢相宜!

秋葵

雖然有唔少人覺得秋葵滑潺潺好古怪,但其實秋葵都係上等嘅Super Food!滑潺潺嘅係水溶性纖維同果膠嘅汁液,另有豐富鉀質去水腫一流;而且低卡路里同時有極高纖維,食完非常飽肚!

菠菜

菠菜含有豐富維生素A、B、C、D,另有胡蘿白素等,有人甚至話菠菜可以防預百種病痛,另外菠菜本身有營養之外,仲可以吸收體內嘅鐵,可以話中和體內毒素。最重要係菠菜一年四季都當造,易買到又便宜!

海藻(海帶)

大家都知日本人出命長壽,而其中沖繩人又係日本人之中比較長壽嘅一群,就係因為佢哋日常食用多數含人海藻成份嘅食物,含有豐富Omega 3 ,有效防止心臟病及中風,而且含有鈣及鎂,對骨骼非常好,係中年人士必食嘅食物!

杏仁

杏仁唔單止好味又可以當小食,營養非常豐富,可以有效降低壞膽固醇LDL,而且有豐富蛋白質、食物纖維,又胞肚又好味,甚至可以取代澱粉質。杏仁近年仲被證實可以有效改善男性精子質素,有助懷孕機會!

木薯

近年開始多人認識,係根類食物,產量多,成本低;外形同薯仔相似,不過卡路里係薯仔兩倍,但木薯已證實可以降低體內三酯甘油及血液中脂肪率,有效控制血糖減少心血管疾病;另有含有維生素B2、B5及多種礦物質。