輕鬆自駕遊,體驗不一樣的關島!

Cosmopolitan.com.hk

去旅行自駕遊唔一定要去到美國或者歐洲咁遠嘅,近近地去關島都好正架!喺關島租車非常方便,一般嚟講都唔需要國際駕駛執照,只要提供所在國嘅駕駛執照同護照就得,同埋記住要年滿21歲呀!關島呢個地方唔單止擁有令人讚嘆的沿海路線,更加擁有優美嘅風景,絕對能為旅客帶來非一般嘅自駕遊體驗!等小編喺呢度為大家推介4個關島自駕遊嘅必到之地啦!

Cosmopolitan.com.hk
Cosmopolitan.com.hk

西班牙廣場(Plaza de España)一向都係關島文化、宗教同政府活動嘅中心。於1660年代嘅西班牙殖民時期,呢度更加係西班牙總督嘅府邸。呢度嘅歷史遺跡包括總督府僅存部分Azotea,以及曾被西班牙同美國行政機構用黎款待貴賓嘅圓形建築朱古力屋 (Chocolate House)。除咗探訪歷史遺跡,你仲可以探索一下連接咗17個歷史遺跡嘅文化遺產遊覽路線(Heritage Walking Trail),體驗關島原住民查莫洛族嘅傳奇歷史故事。

Cosmopolitan.com.hk

烏瑪塔村(Umatac)位於關島的西南部,係關島第二古老嘅小村莊,亦都係最受歡迎嘅歷史觀光景點之一,特別係色提灣觀景點以及索來戴堡。烏瑪塔(Umatac)呢個名係黎自查莫洛語的「uma」,解背上東西或者肩負重物。沿著烏瑪塔村莊嘅寧靜街道漫步,你會慢慢發掘到好多歷史景點。

Cosmopolitan.com.hk

伊納拉漢村係關島自西班牙統治時代以黎最古老同保存得最完好嘅村莊。於1977年更被列入美國國家史蹟名錄。呢度嘅17個歷史景點中,好多都只需步行就可到達。附近仲有非常著名嘅伊納拉漢天然池Salaglula Pool,絕對係游水嘅熱門地方。

Cosmopolitan.com.hk

情人崖絕對係關島最具標誌性的景點之一。每年都有成千上萬名遊客慕名而來。當你企喺崖頂嘅觀景塔上,可以欣賞到壯麗的菲律賓海,以及令人驚艷嘅杜夢灣景色。向腳下俯瞰,400英尺嘅斷崖帶來震撼嘅視覺衝擊,並一直伸延到崖下嘅波濤海浪。遊客仲可以用望遠鏡遠眺浩瀚海洋同關島嘅西部海岸線。


前往瀏覽完整內容:

輕鬆自駕遊,體驗不一樣的關島!