陳奕迅原來係王祖藍表哥!10組你一定唔知嘅明星親戚關係

Cosmopolitan.com.hk

娛樂圈話大唔大,話細唔細,呢個可能看似同嗰個冇關係,但講講吓,隨時發現原來大家竟然係親戚關係!以下10組明星,你又估唔估到佢地有咩關係呢?

▲ Cosmopolitan.com.hk

1. 陳奕迅、王祖藍

一個係歌王,一個係喜劇演員,表面睇上來風牛馬不相及,但王祖藍曾透露自己探親時無意中得知陳奕迅原來就係自己嘅遠房表哥!

▲ Cosmopolitan.com.hk

2. 陳百祥、陳曉東

又係兩個毫無關係嘅明星,前者係金牌司儀和港產片諧星,後者就係外表俊俏的實力派歌手,邊個會估到佢兩個竟然叔侄關係?!

▲ Cosmopolitan.com.hk

3. 張敬軒、張繼聰、謝安琪

張繼聰和謝安琪係夫妻關係就眾所周知,但原來張繼聰同時係張敬軒嘅表舅父,咁所以謝安琪就順理成章係張敬軒嘅表舅母!呢個張氏出親都係勁歌手!

▲ Cosmopolitan.com.hk

4. 馬德鐘、朱咪咪

馬德鐘和朱咪咪雖然同樣經常喺大台露面,但兩人走嘅路線完全唔同!前者係一線型男,後者則係甘草諧星,但原來咪咪姐嘅丈夫係馬德鐘嘅堂哥,所以朱咪咪和馬德鐘兩人係堂叔嫂關係!佢地兩個仲曾經喺咪咪姐2015年紅館舉行嘅《朱咪咪我做曬演唱會》中合唱一首《相逢何必曾相識》,藉此公開二人嘅「非一般關係」!

▲ Cosmopolitan.com.hk

5. 張智霖、上山詩鈉、Hilary

凍齡男神張智霖其實係上山詩鈉嘅表弟,所以有時候一啲家庭活動中,都會見到佢地聚首一堂,大家千祈唔好覺得驚訝!

▲ Cosmopolitan.com.hk

可能真係血緣關係有所影響,上山詩鈉嘅女女Hilary都係美少女,成個家族嘅美貌確實有遺傳!

▲ Cosmopolitan.com.hk

6. 鄭嘉穎、王賢誌、陳凱琳

早前宣布出櫃並與男友結婚嘅前東華三院主席王賢誌,竟然係鄭嘉穎嘅表哥。

▲ Cosmopolitan.com.hk

鄭嘉穎表哥王賢誌家族身家豐厚愈30億,而太太陳凱琳的家族身家也愈15億,鄭嘉穎和陳凱琳絕對門當戶對!

▲ Cosmopolitan.com.hk

7. Donald@I Love You Boy’z、張詠恩、張致恆 (Steven@Boy’z)、雯雯

I Love You Boyz成員之一嘅商台DJ Donald嘅太太張詠恩係Boy’z嘅Steven嘅親姐姐,所以Donald就係Steven嘅姐夫。Donald與張詠恩結婚多年,感情非常好,而張詠恩更曾經中風昏迷入院,Donald當時向上天禱告,願意用自己20年命換她醒來。希望Donald嘅「舅仔」Steven和雯雯結婚之後,都可以學姐夫咁對老婆好啦!

▲ Cosmopolitan.com.hk

8. 林珊珊、林海峰、彭羚、林曉峰、康子妮、李澄(西瓜)、狄龍、譚俊彥

林珊珊一家家族喺娛樂圈都甚多親戚,首先林珊珊有兩個細佬分別係林海峰和林曉峰。

▲ Cosmopolitan.com.hk

而佢個女就係前商台DJ西瓜,而林珊珊嘅舅夫就係狄龍,而狄龍個仔就係近年做新版《包青天》嘅譚俊彥。

▲ Cosmopolitan.com.hk

而林珊珊兩個弟婦分別係林海峰老婆彭羚,歌后;

▲ Cosmopolitan.com.hk

另一位就係林曉峰老婆康子妮,演員!都算係演藝世家!

▲ Cosmopolitan.com.hk

9. 廖碧兒、夏韶聲

有「香港搖滾之父」之稱嘅夏韶聲竟然係華裔小姐冠軍廖碧兒嘅舅父,兩個看似完全冇關係,但其實一早佢地己經喺傳媒面前公開過「關係」,只係少有提及。

▲ Cosmopolitan.com.hk

10. 魯迅、許紹雄

提到許紹雄(又稱Benz 雄),大家可能只會諗起《使徒行者》嘅歡喜哥,又或者係《新紮師妹》中嘅方鍾sir,又點會諗到佢同作家魯迅有親戚關係呢?!許紹雄嘅叔公係許崇智,即協助蔣介石創立黃埔軍校嘅粵軍總司令,而姑婆許廣平即係魯迅夫人,所以許紹雄就係魯迅嘅侄子!

推薦閱讀:

《L.O.V.E. in F.R.A.M.E.S.》陳奕迅與DUO團隊的紀錄片 8年有笑有淚音樂歷程

娛樂圈的甜蜜夫婦!謝安琪張繼聰的愛情哲學



Follow us on:

  • Facebook: CosmoHK
  • Instagram: @cosmopolitan_hk
  • YouTube: CosmopolitanHK