陸永扮Do姐神還原!農夫5大經典爛gag大放笑彈

TVB《萬千星輝賀台慶》年年都會有搞笑趣劇,今年的趣劇以「50周年藝員訓練班面試日」為主題,一眾藝人搞笑模仿不少明星。當中,農夫的陸永及C君分別模仿DoDo姐及曾志偉,語氣動作神似,堪稱神還原,似到連Do姐都大拍手掌!

  1. 陸永倒模演繹Do姐金句

扮嘢最重要,梗係要模仿得似。陸永又高又瘦,穿上一身端裝白色套裝,一出現就話「哎呀快快趣喇!好鬼眼訓」,外形、動作、神態、語氣、口頭禪似足Do姐,曾志偉在旁說:「我就唔係好知你扮邊個,但你個身形同身材好似Do姐喎!」搞到Do姐哭笑不得,抵死的陸永立即回了一句:「低級!」神複製Do姐反應,笑死!

農夫之前伙拍Do姐去shopping,日日對住,當然吸收哂Do姐說話神髓,扮起黎得心應手,陸永臨尾一句「好鬼低級架你地幾隻野!」真係畫龍點睛!

  1. C君挑戰獎門人「打和」

C君一直默默在陸永旁邊,一開始未知佢扮邊個,但當一開聲,扮米奇老鼠聲,chok住大講「打和」,就知佢扮緊獎門人曾志偉。話時話搵一高一矮的農夫扮Do姐及曾志偉真係無得彈,C君高度同曾志偉差不多,當曾志偉聽到佢講「打和」,即刻打C君塊面,連獎門人都敢扮!

  1. 扮開有條癮

農夫二人坐唔定,不時搞笑,發放正能量。二人唔係第一次扮野,在Do姐去Shopping時,已不時模仿Do姐。例如有集Do姐遲到,陸永忍唔住用Do姐語氣扮:「有咩理由要我地等佢架?」,真係笑死!

5.黃金鐵三角組合搞笑再現

寸嘴又高要求的Do姐,加上盞鬼做下把位的農夫,在Do姐去Shopping深受歡迎!這個黃金組合,將會在《Do姐再Shopping》再次出現,由Do姐以及農夫帶大家遊玩北海道、丹麥以及米蘭。

上次,農夫爆肚幫Do姐改名成過去式「DidDid姐」,笑到觀眾反肚,加上三人搞笑的互動,以及一籮籮的金句,令觀眾更期待即將播映的《Do姐再Shopping》。

 

Related Articles