隔日斷食減肥最有效?一個月瘦3公斤

要減肥,控制飲食可以話至關重要,縱使大量運動都好,如果唔節制飲食,要瘦都可以話難過登天!大家或者有聽過斷食減肥,要大家食少一餐半餐,或者連續幾日食好少嘢,但面對嘅問題係容易反彈,而且難忍肚餓,一唔小心隨時仲肥過之前!

奧地利Graz大學分子生物學研究所,就斷食減肥做咗一項研究,先將一群人分成兩組,兩組人嘅年齡、體重都差唔多;一組人由早上7點至晚上7點時可以任意食嘢,不理卡路里,但餘下當日及第二日,都唔可以再進食,即係「食12個鐘,停36個鐘」;而另一組人則如常進食一日三餐。結果公佈,第一組食12停36唔單止一個月平均減咗3公斤,連身體入面低密度脂蛋白都下降,係會導致心血管疾病嘅壞脂肪。唔單止咁,呢種隔日斷食方法,唔會令身體嘅肌肉大量流失,可以真正達到健康減肥之效。不過營養師就提醒,呢個方法好考驗減肥者嘅決心,因為36小時完全斷食係非常咁困難,一唔小心偷食零食就大件事喇!如此背城借一嘅減肥方法,對自己有絕對信心嘅朋友,可以考慮!

參考資料:Graz University Studies