食神教路:食朱古力竟然有助減肥?不過要食呢一種!

朱古力,係好多人至愛嘅零食,無論係口痕痕時食又得,精緻到當禮物送畀人食又得,而且科學家研究證實食朱古力可以令人更開心更快樂。但係同時亦有好多人對朱古力耍手擰頭,係咩人?就係減肥人士,或者以Keep Fit為己任嘅人士喇!不過近年澳洲有研究出現,或者會改變大家對「朱古力致肥」呢個觀感喎。

澳洲大學嘅調查指,訪問一班減肥中嘅人士,結果發現86%人減肥期間仍然食朱古力,份量無少到,而最後更成功減肥!研究人員話原來朱古力可以滿足人類對糖分嘅需要,食朱古力反而可以令減肥人士減少食其他高糖分高脂份食物。不過朱古夯都唔係亂食,要識揀:

- 黑朱古力較健康,含有高百分比可可,較少糖分

- 留意是否只有可可脂肪,而無其他脂肪

- 飲完牛奶後勿食朱古力,牛奶屬鹼性,朱古力為酸性,一同進食會結合並刺激腸胃,引致腸胃不適