食神教路:炒蛋落鹽變毒蛋 危害身體?真唔真呀!

網絡傳聞經常有好多流言,尤其係飲食方面,例如「食XXX會患癌」、「XXX溝XXX會致命」等,語不驚人死不休。最近另一個網絡流傳嘅消息係「炒蛋請勿加鹽」;對於成日去茶餐廳食常餐炒蛋,仲要額外加鹽吊味嘅朋友都即時怯一怯,咁究竟點解呢?

流言指:「炒蛋或蒸蛋時,不可先在蛋汁中加入鹽巴,因為鹽與蛋中的乳酸菌結合會產生氯,有毒!所以蒸蛋就只要加醬油,若加鹽蒸的蛋會有一點綠綠的顏色,那就是化學變化產生的氯。」有人話如果炒蛋加鹽,就會出現綠色物體,就係氯,食落肚對人體有害。咁事實又係咪呢?有媒體就此向醫生查詢,得悉係虛驚一場,因為係完全謠言!醫生話鹽本身成分係氯人心鈉,於煮食過程中分解出嘅氯極度輕微,會於空氣中揮發,根本唔會留喺炒蛋之上。而且落鹽唔單止無害,仲有幫助,因為鹽可以加快炒蛋熟嘅速度;如果烚蛋之水中加少許鹽,仲可以防止蛋殻爆裂!

所以話,奉勸大家咪信咁多網絡傳言,否則又成為「用鹽防SARS」嘅國際大笑話喇!