【阿芝出嫁了!】39歲卓韻芝出閣 史上最強姊妹團陪嫁

Kiss - 熱話

【不斷更新】「山竹」來勢洶洶,亦無阻39歲嘅卓韻芝與34歲新郎哥梁子賢嘅結婚之喜!今晚一對新人會中環舉行婚宴,鄭秀文、阿Sa蔡卓姍、梁詠琪同埋周勵淇更會組成史上最強姊妹團,傍住阿芝出嫁!

撰文:Joanne 圖片:大會發相、卓韻芝、鄭秀文、蔡卓妍、梁詠琪、田蕊妮IG

延伸閱讀:

【中秋親子好去處】穿梭3D月光隧道 必玩3大打卡位

全港53間直資私小學費一覽 10大學費最平直資私立小學

婚宴上嘅新娘子,非常動人!

為新娘子拍下出嫁前美麗動人的一刻!@gxinstagram

A post shared by Gigi Leung梁詠琪 (@gigileungwingkei) on Sep 15, 2018 at 9:34am PDT


清一色迷人Pink Ladies

Sammi、阿Sa同Gigi一齊着上粉紅色晚裝,為阿芝送嫁!阿Sa話今年出席咗好多朋友嘅婚禮,助手話差容祖兒一個就齊晒!(其實大家都想知幾時到阿Sa出嫁啦!)


好強勁嘅姊妹團,已經準備就緒!


Sammi一直對阿芝都十分支持同欣賞,今次鷹咗阿芝嘅婚禮仲十分落力!喺婚禮上一聽見阿歉致辭已經想喊!


96年拍《百分百感覺》Sammi同Gigi係一齊爭鄭伊健嘅情敵(部戲阿芝都有份拍,當年只有17歲),如今二人都嫁作人妻,仲一齊為阿芝擔任姊妹!


Sammi仲捉埋阿Sa同Gigi一齊講吓對阿芝婚宴嘅感受!Gigi仲爆Sammi喊到瀑布咁呀!


Sammi喺IG分享咗好多婚宴嘅片段,睇嚟玩得好盡興!



阿Sa話同阿芝係識於微時,好開心見到阿芝進入人生一個新階段!


田蕊妮單拖出席婚宴。


周勵淇出PO祝福新娘子!


 

許鞍華導演亦是婚宴的座上客,許導演更送上一對龍鳳耳環作為賀禮!


拍拖3個月即宣布婚訊

阿芝感情生活一向精彩,2016年曾公開承認雙性戀,但係到2017年11月,就已被影到與一男子拖手行街,之後出新書《峰迴路轉》,更自爆要同拍拖三個月嘅「閃電俠」結婚,夠晒峰迴路轉!新郎哥「閃電俠」係34歲從事電影美術嘅梁子賢!

卓韻芝

今日(15/9)「山竹」正在逼近,正是阿芝出嫁之日,下午向傳媒發放咗幾張着住裙褂斟茶畀婆婆同主婚人俞琤嘅相,阿芝婆婆笑到口都合唔埋!自阿芝媽咪離世後,兩婆孫相依為命,佢一早講明婚後依然同婆婆一齊住,認真孝順。

主婚人係阿芝嘅伯樂兼舊老闆俞琤!俞琤由細睇到阿芝大,今日見到佢嫁人,應該覺得好安慰!

原來婚宴之前都有進行過大禮同接新娘嘅儀式,過程都相當搞笑,今朝當新郎同兄弟團殺到,婆婆叫阿芝喺房裡面等候,點知婆婆掛住同孫女婿傾偈,一時太興奮,竟然唔記咗叫阿芝出嚟,直至阿姨提醒,新娘至見到新郎哥!

婚禮另一個焦點,一定係姊妹團!早前阿芝親自派帖畀一眾姊妹,陣容鼎盛,天后級嘅鄭秀文,仲有阿Sa、梁詠琪同堆最近改咗名嘅周勵淇!


婚前一晚,阿芝同屋企人喺屋企開飯局,一家人圍枱食飯,嘆紅酒,勁Warm勁溫馨!


阿芝婚前一直出盡力去做Gym,直至婚前一日都唔例外!誓要以至Fit身材着起嫁衣!


阿芝嘅婚宴會喺中環外國記者會舉行,佢話會一切從簡,只係希望同親朋好友一齊gathering, 分享自己嘅喜悅。

新房準備妥當

由於阿芝婚後依然會同婆婆一齊住,所以屋企早早已經佈置好晒喇!例如有一對好古惑嘅結婚公仔。


同埋一個剪紙「囍」字!阿婆對個「囍」字就最為欣賞!


80幾歲嘅婆婆見到阿芝結婚已經好開心,如果可以快啲抱曾外孫就更開心喇!阿芝要努力呀!

延伸閱讀:

(有片)《延禧攻略》爆笑NG片曝光!佘詩曼雙語讀對白,一招K.O內地演員!