Update privacy choices

生日派對相洩密 39歲吳卓羲破Dry有新歡?Ron自爆理想對象竟然是她…

Cosmopolitan.com.hk
Cosmo

39歲嘅吳卓羲早前啱啱就同班好朋友慶祝完生日,一張飯局上嘅大合照就喺網上流傳出嚟,只見阿Ron搭實一名長相清秀嘅女子嘅膊頭,舉止親暱,兩人點睇關係都唔簡單!即刻就被傳話阿Ron終於破dry有新歡!但點知就阿Ron就否認戀情,仲透漏理想對象另有其人...

Cosmopolitan.com.hk

相中呢名女子緊緊依靠喺阿Ron身邊,一時大家紛紛猜測,莫非阿Ron終於破Dry有新戀情?

Cosmopolitan.com.hk

從微博上流傳嘅相中可以睇到,阿Ron同呢個女仔坐埋一齊,關係匪淺。其實大家真係好關心阿Ron嘅感情狀況。事關佢11年同內地女星張馨予嘅一段情最廣為人知,當年張馨予仲上阿Ron微博Po出自拍,逼佢承認戀情。手段不一般。

Cosmopolitan.com.hk

之前兩人都有被影到出雙入對嘅相,不過呢段戀情最終都係無疾而終,今年張馨予嫁內地反恐特工,阿Ron相當大方,為Ex送上祝福,仲開玩笑話自己都係警察。

Cosmopolitan.com.hk

張馨予同老公何捷因為拍綜藝節目撻著,最後仲做埋軍嫂,令好多人大跌眼鏡。

Cosmopolitan.com.hk

宜家阿Ron都揾到另一半,大家肯定要為佢送祝福啦,事關大家都知道阿Ron媽咪非常恨抱孫,不過阿Ron態度一直唔嗲唔吊,成日話自己忙事業,唔得閒拍拖。

Cosmopolitan.com.hk

今次生日被踢爆有女朋友,大家當然要問下阿Ron啦,但係阿Ron依然唔承認,話只係多年好朋友,又解釋話搭膊頭影相好正常,佢宜家仲係單身啊!

Cosmopolitan.com.hk

好啦竟然都仲係單身,咁阿Ron你又可唔可以同大家講下你鐘意邊類型嘅女仔啊?阿Ron之前女友一個比一個索,想必佢嘅擇偶條件都非常嚴格。

Cosmopolitan.com.hk

早前阿Ron同劉心悠一齊為新戲《再見女人街》宣傳 ,阿Ron竟然自爆心悠BB係理想型!阿Ron你真係識揀呀!

Cosmopolitan.com.hk

至於原因係咩?阿Ron話覺得心悠BB講廣東話嘅時候嗰種溫柔嘅語氣令佢覺得好受落,原來阿Ron係鐘意小鳥依人呢類嘅女仔!

Cosmopolitan.com.hk

其實心悠bb同阿Ron真係好稱呀!唔知佢地拍劇嘅時候有冇撻著呢?之前心悠BB都話自己單身,又話自己未有試過談過好真心嘅戀愛,唔知阿Ron係咪佢嘅真命天子呢?不過兩人目前互動唔多,仲未有咩蛛絲馬跡可尋,可能阿Ron都係處於佢自己講嘅嗰句“有意思都唔敢追呢?”

Cosmopolitan.com.hk

心悠BB對人真誠,圈中人緣唔錯。其實從阿Ron同張馨予呢段戀情可以見到,阿Ron份人都比較低調,唔鐘意太多放閃,心悠嘅性格就正好啱嗮喇。阿Ron都唔好再忙於工作喇,係時候為自己嘅終身大事做下打算喇。



Cosmopolitan.com.hk

前往瀏覽完整內容:

生日派對相洩密 39歲吳卓羲破Dry有新歡?Ron自爆理想對象竟然是她…


更多相關報導:

絕世好男友? 這些行為證明林峯都超寵歷任女友

【係回憶呀】胡杏兒晒姊妹團圓合照 望與《絕世好爸》陳慧珊再合作 其餘兩位家姐去咗邊?




回應

其他內容