免排隊食韓風「雪糕鯛魚燒」攻略 @ Cafe Aboong 廣華街

大仁生活

上星期開始, 廣華街「潮流地域」日日夜夜都出現人龍, 因為人人都想和「雪糕鯛魚燒」玩遊戲. 

星期日晚7點, 店員阿Jo:「唔好意思, 4點派晒籌啦, 你住得近唔近? 平日嚟會好啲...」

結果我昨晚6點再去, 好好人的阿Jo:「大約等90分鐘左右, (我趕時間...), 我哋開2點, 不如你聽日開舖時間嚟啦, 應該等30分左右...唔好意思」

今日, 我2點30分到達, Cafe Aboong果然人氣爆燈, 店門堆滿年輕少女, 笑容可掬的阿Jo說:「35分鐘包你一定有得食!」(好嘢! Yeah!)

原來略懂韓語的Jo與拍檔Regina, 之前去韓國旅行, 食過一次這款鯛魚燒雪糕, 大為喜愛, 於是兩人決定引入香港齊齊創業.

Regina一邊將蛋粉漿注入特製的鯛魚燒機, 一邊說:「我哋去咗韓國兩次, 學整兩個幾星期...」

因為鯛魚燒有分「紅豆餡」或「吉士餡」, 所以Regina會按客人要求注入鯛魚的腹及尾部位置.

阿Jo:「雖然我哋有四部機, 但有時鯛魚燒得唔靚, 再燒過就累客人等多三分鐘.」

原來Cafe Aboong是12月中開業, 早前未宣傳, 生意未有如此驚人.

Regina忙於翻出鯛魚燒:「真係無諗過咁多人支持, 通常我哋派籌派到200左右就停, 因為根本做唔切, 尋日我哋賣出四百幾條魚.」(難怪我來了三次才有得食啦!)

之前, 每一隻鯛魚燒, 會配一支朱古力醬綿花糖, 現在改為青提子, 非常感動的改變, 不用吃甜上加甜的綿花糖, 即時打從心底笑出來. 超正!

其實, 烤好的鯛魚燒不放在風機旁吹乾, 熱辣辣的加入乳酪雪糕, 一冷一熱不是更好嗎? 阿Jo說:「唔吹乾, 鯛魚燒會好腍, 唔夠挺身放唔到雪糕呀!」

今日發現排隊等候的人群中, 90%是少女, 另外0.9%是情侶, 而全場只有我一位阿叔獨自來「食魚」. (好彩我早一點來, 三點後輪候時間又變成90分鐘喇!)

因為Cafe Aboong是先付款取籌, 後輪候. 即使你逾時, 只要回來告訴阿Jo, 一樣「有魚食」, 所以建議大家可以先取票, 就去逛你想逛的街, 或吃晚, 當準備離開旺角前, 才返回Cafe Aboong取鯛魚燒, 那就最多只等5分鐘就有「魚食」啦.

我本來點選奶黃吉士, 但附近所有輪候的人也是同樣在等待吉士, 所以好好人的阿Jo, 見我呆等了50分鐘, 就問我:「你介唔介意轉紅豆?」有得食, 又不用再等, 我立即點頭!!

鯛魚燒拿上手, 還是暖暖的, 但切忌出力執緊魚肚, 因為我發覺現場很多食客, 魚肚盛雪糕的部份, 可能用力過度, 也有雪糕漏出, 滴滴滴...所以一定要對鯛魚溫柔一點喔.

暖笠笠的鯛魚燒配凍冰冰的雪糕, 感覺似王祖藍與李亞男, 本應不太相襯, 但原來一冷一熱又很夾, 我會用「好玩」來形, 但記得一定要襯熱食, 否則「得意」的感覺會無聲無息的消失.

個人覺得如果雪糕多2-3款給選擇會更好, 因為不太愛甜甜酸酸的乳酪雪糕, 又或者韓國人經過計算, 事關乳酪雪糕本身冰感強烈, 較輕身, 可能想與鯛魚燒的硬感來一個對比吧!!

最後一定要讚的, 就是那喜出望外的紅豆蓉, 最初很怕如日本草餅的「甜味」無極限, 一咬之下竟然如此溫文儒雅, 原來鯛魚尾才是靈魂所在, 吸引性較追看「來生不做香港人」更加大呵.

(Selfie Kiss 一Kiss, 點解忽然覺得自己有點似流行首爾主持添!!) 

大仁生活facebook



飲食資訊由熱新聞提供
原文連結: 免排隊食韓風「雪糕鯛魚燒」攻略-@-Cafe-Aboong-廣華街

更多相關內容
作者其他文章