David同Mark最浪漫?送花男士姓名統計

今日就係情人節,例必有唔少辦公室出現大批鮮花,都係由男朋友/老公所送,羨慕死身邊其他女同事!其實肯送花嘅男人,唔可以話一定係好男人,但都肯定係一個肯花機錫自己嘅另一半。英國著名訂花網站 SerenataFlowers.com每年都有幾百萬單情人節Order,網站公佈咗一個訂花男士名單,按唔同地區寫出該區最多訂花男人嘅名。

喺全英國30幾個分區之中,以「David」同「Mark」贏最多區,其中「David」贏咗6區,「Mark」贏咗8區。其他比較多人嘅仲有「Philip」、「Brian」等。

不過都有唔少網民笑指,叫呢啲名嘅男人唔係多數比較浪漫,係多數容易激嬲老婆或者女朋友,先要送花賠罪。