【IG Story隱藏大法】非「密友」模式 一樣可以避開阿爸阿媽

IG幾乎每人都有,不過經過年月洗禮之後,發現同FB有一個相同問題,就係父母長輩開始識玩,好多因為呢個原因放棄FB轉移去IG嘅朋友,又掀起一股逃亡潮。君不見好多人都開始係IG Story到用上「密友」,其實講話係「密友」;好多人只係非飛走父母長輩。但原來IG本身有方法可以令大家直Filter走啲唔想畀佢睇嘅方法,唔使特登再Set一堆密友List咁麻煩!

Step 1:

開IG,去自己Profile,右三角有三劃,下面有「設定」。

Step 2:

揀選「私隱設定」,再揀選「限時動態」。

Step 3:

入面第一項「向以下對象隱藏限時動態」,可以揀邊啲用戶你唔想佢睇到你啲Story。

呢個方法唔單止Story,連你嘅直播都會同樣適用;不過大家記住,呢個隱藏方法唔同「封鎖」,對方只係睇唔到你嘅Story,但你嘅Post係照可以睇到及留言。