【People of Hong Kong】自己菜自己種 粉嶺鶴藪白菜最清甜

芳姐,71歲,有機農夫

阿妹,埋嚟睇下啦,買棵鶴藪白菜試下啦,試過你就知味道⋯⋯

鶴藪白菜以前好出名㗎,你喺街市見過『學斗仔』或『鶴斗』其實就係鶴藪白菜。以前,粉嶺有很多客家村,客家人靠山吃山,靠海吃海,在粉嶺落地生根便自家種菜,自給自足。

點解好食?鶴藪白菜以山水灌溉,用天然肥料,全是有機,不加半點農藥;自己食落肚,點會唔俾心機,過得人過得自己。

好食的白菜點淥都唔會淋,爽爽脆脆,嚓嚓咬落有一種清甜。

唔係我賣花讚花香,連啲蟲都食到肥肥白白。
買埋番茄啦,食過我肯定你返嚟搵我。我啲番茄不是死酸,而是酸酸甜甜,啲雀仔好鬼精㗎,會專挑啲最熟最甜來吃。

一斤20蚊,係呢度咁多,賣完就無。唔好嫌貴呀,一棵菜我都花了一個月去種,要不點會咁有味;辛苦錢嚟㗎⋯⋯

我今年71歲,我去年被迫退休,我唔稀罕綜援,有手有腳,使乜靠政府。我一個人打理5畝地,5畝地有幾大?1畝地可以起7間西班牙別墅。我自己一個人搞掂。

之前,有個導演買了等收地,結果同村長傾唔掂,放喺度曬太陽,嘥哂塊地。
隔離嗰塊是我的,一般早上我便會收割,下午拿到聯和墟擺地攤;星期六、日在粉嶺水塘,賣俾行山友。

「所以,你認住我,我叫芳姐,星期一至五在聯和墟便找到我,保證有正菜!」


撰文、攝影:郭晞雅

___________________
活過不白過
Follow us on IG:https://bit.ly/2yjkquY
___________________

#OnlyLiveOnce #活到盡故事 #peopleofhongkong #香港農夫 #香港有機 #聯和墟 #鶴藪白菜 #自給自足 #無農藥先食得落 #香港農地 #支持本土農業