【情人節2019】情人節禮物提案 三大Gadget一定有一款啱心水

情人節就到,好多女士都好期待收花收禮物再食大餐;不過作為一位貼心女朋友,當然都要識做,準備一份禮物,當係答謝男朋友嘅安排。嗱~呼籲各位女仔唔好再DIY或者做心思小禮物,可以肯定咁講,90%男人收到都係扮開心,實際上唔及一樣價值幾百蚊但實用嘅禮物。男女大不同,天下間無男人係會因為DIY禮物而開心㗎,扮㗎咋,戲嚟㗎。好喇,咁至於有咩可以送畀男士呢?知道女仔平日未必咁留意,今日為大家介紹。

Apple HomePod

十個男人,九個都最少有一件Apple產品,呢排未有新機出唔緊要,因為一月先出嘅HomePod可以話係性價比極高呀!唔使三千蚊但就有靚聲同靚樣,無論係音質有小小要求嘅男仔,或者入門初哥一樣易接受。最開心係可以用Siri控制,等如你自己都有得玩埋一份,喺屋企煮飯仔時可以一齊用Siri傾下計。

Playstation 4 PRO

打機係男人畢生嘅事業,好少有男人唔鍾意打機,今次介紹大家買嘅唔係舊機,因為PS4 PRO出咗2TB版,加上目前Sony做緊新年兼情人節特賣,減埋減埋$3,200都唔使。唔知買咩Game?就送埋《Resident Evil 2》畀佢,夠晒恐怖最啱兩個人喺屋企一齊玩!

Ember保溫杯

坊間都有唔少用USB保溫嘅杯,但好多都外型肉酸,而且要連住條USB線勁唔方便;不如考慮下Ember推出嘅呢無線保溫杯,唔單止可以用APP嚟控制溫度,而且係陶瓷杯,有黑白兩色可以選擇,真正可以畀到另一半一個「暖笠笠」嘅情人節。

相關文章:

34件超高性價比的2019年情人節禮物!男朋友和女朋友收到都會超驚喜

【情人節禮物2019】5大入門級飾物品牌推介!SWAROVSKI/MaBelle/Pandora

【情人節慳錢大計】$999內買到!編輯部精選6大心水男女禮物