戀愛系:朋友唔需要多 情人節有一個肯陪你過 就已經夠

情人節星期四就係,喺呢啲「虐殺」單身狗嘅日子入面,單身朋友真係度日如年。就算閣下目前有拖拍,但都肯定經歷過無人陪嘅單身情人節,唔知你哋嗰陣又係點過呢?

如果大家有個孤單嘅情人節,好多時會選擇一個人收埋自己喺屋企,唔想見到街裡愛人一對對;但總有好多正面樂觀嘅「勇士」,會決定出去,好多時會約埋朋友,呢個時候就可以分得出真朋友喇!曾經聽過有女仔,因為要陪另一個女性朋友過,情人節正日都放棄男朋友,陪女性朋友兩個人過,希望佢唔會太孤單。

如果話人生係為咗一個肯陪你挨麥記嘅女朋友,亦應該係一個肯陪你過情人節嘅好朋友,呢份友誼,到咗他朝一日各自有另一半之外再三回味,更能領略當中嘅真誠。