• 港女講日:最怕炫富妹!? 男人最討厭女人有呢10種特質
    Style
    港女講日3 小時前

    港女講日:最怕炫富妹!? 男人最討厭女人有呢10種特質

    唔少女人對名牌手袋都冇抵抗力,不過最近Twitter流行一個Tag「#女の価値を決めるバッグ(決定女人價值嘅手袋),內容係日本妹用各種非名牌手袋反擊一位網站主編。

  • 港女講日:日本女生流傳 暖水排毒法1個月減3公斤
    Style
    港女講日昨日

    港女講日:日本女生流傳 暖水排毒法1個月減3公斤

    日本人習慣飲冰水,遇著唔方便日子去日本旅行都幾頭痛,在外想飲杯暖水都唔係易事… 最近日本綜藝節目「行列のできる法律相談所」講起「冰水」呢個話題,松子DELUXE提起佢喺便利店遇上嘅一件事,話說有兩位女生買樽裝水,女生A問女生B:「奇怪,你唔買冰水?」,B答:「飲常溫水比較好呀,model都係飲常溫水架!」松子DELUXE聽到呢段對話後非常不屑,仲晦氣話「買常溫水嘅人都係醜女!」 點知在場嘅女主播德島繪理香唱反調:「喺餐廳我都要求走冰,靚女都唔飲凍嘢,雜誌係咁講…」搞到松子DELUXE更加燥底,反駁問「所以睇雜誌就會變靚女?」

  • 港女講日:女追男未免太簡單! 單身女生主動出擊之4大技巧
    Style
    港女講日前日

    港女講日:女追男未免太簡單! 單身女生主動出擊之4大技巧

    睇日本廣告都可以學到好多戀愛技巧!早排唔覺意睇返由小松菜奈,夏帆,森星代言嘅資生堂INTEGRATE系列廣告"What’s True Love"篇,講述3位女孩一係被動等意中人約,一係怕失敗、受傷而唔敢去愛人,最終靠打拳時悟出戀愛道理:「只識防備係無法愛上任何人!」 女人要有一定矜持,唔可以對男人過份主動,但唔係叫你咩都唔做,處處被動,等天跌個男人畀你。不如掌握以下5個女追男攻略,有技巧地引起意中人注意。

  • 港女講日:日模丟架被人鬧仲唔知! 睇演唱會被人反白眼之4個行為
    Style
    港女講日3 日前

    港女講日:日模丟架被人鬧仲唔知! 睇演唱會被人反白眼之4個行為

    現代人自拍成癮,行街、食飯、睇戲自拍都唔夠,連睇演唱會都唔放過!最近日本就有單因為自拍而丟架丟出國際嘅事件… 早前美國天王Bruno Mars於日本埼玉縣舉行演唱會,發生咗一件不快事,話說日本𡃁模野崎萌香與友人有幸企近舞台位置,點知萌香並冇專心欣賞,而係掛住自拍,背對舞台與友人齊齊selfie,至少拍咗15條IG Stories,搞到Bruno超激氣,嬲到喺台上拎起條毛巾掟落台下,叫萌香唔好再影,慘在佢仲誤以為偶像送禮畀佢,錄低擺上IG Stories以為好威,惹來網民圍插,批評萌香係「日本國恥」,搞到萌香要閂咗留言功能,真係攞嚟衰! 去親睇演唱會都係想支持偶像,點知居然令偶像扯火,萌香真係叻叻豬!唔想睇演唱會時被人反白眼,就要留意以下幾點演唱會禮儀啦!

  • 港女講日:為結婚咩都要忍!日本女生7個《最易妥協的結婚因素》
    Style
    港女講日6 日前

    港女講日:為結婚咩都要忍!日本女生7個《最易妥協的結婚因素》

    10個有9個女人對結婚都充滿憧憬,幻想自己係公主,嫁畀個高大英俊嘅白馬王子,好似童話故事咁幸福快樂咁活…好可惜現實好殘酷,唔少女人到咗適婚年齡就心急恨嫁啦,仲邊敢有咁多不切實際嘅理想! 根據日本婚宴場地「アニヴェルセル総研」一項關於「最能妥協嘅結婚要素」調查,究竟到咗日本男女到咗適婚時,最能夠放低、妥協同埋包容係啲咩呢? 第5名「婚後居所」 話就話「相見好同住難」,但現今經濟低迷,又有幾多人婚後可以買樓過二人世界?等到儲得錢嚟都唔知要幾多個十年,所以唔少女生明明知道婆媳問題難搞,但為咗結婚都要忍!

  • 港女講日:日本獨居女怕爆格 裝設「男人身影」投射器
    Style
    港女講日6 日前

    港女講日:日本獨居女怕爆格 裝設「男人身影」投射器

    賊仔爆格取易不取難,獨居女性最易成為罪犯目標,東京房屋中介公司「Leopalace21」近日推出防犯裝置「Man on the Curtain」,用家只要利用手機及投影機,就可以將男性身影投射到窗簾上,令屋入面睇落好似有男人,為咗令「影子男」更有真實感,生產商拍攝共12款唔同動作好似打掃、睇報紙、換衫甚至係練空手道及打拳等,嚇退犯人。

  • 港女講日:遠離小人! 讀熟是非精10個面相特徵
    Style
    港女講日8 日前

    港女講日:遠離小人! 讀熟是非精10個面相特徵

    三個女人一個墟,再多女人變是非堆!偶像組合成員表面上相處融洽,但暗地互相競爭,博上位難免會有爭執。近日,獲力捧嘅NGT4成員中井莉加於深夜節目《浜ちゃんが!》慨嘆同各成員關係好差,一個朋友都冇。

  • 港女講日:最愛閨蜜裝! BFF 5款最夾孖妹穿搭
    Style
    港女講日9 日前

    港女講日:最愛閨蜜裝! BFF 5款最夾孖妹穿搭

    日本女生對於去樂園遊玩時嘅穿搭非常重視,如果你去過日本迪士尼,四周啲日本妹都會着起閨蜜裝、制服、睡衣、扮五星戰隊等等,睇得出佢哋好enjoy悉心打扮去玩,反觀香港人真係冇咩心思,去香港迪士尼玩完全feel唔到有人花心思打扮,各位香港女生,不如學吓日本妹,閨蜜裝要點樣先襯得又好睇! 1.團TEE 唔知點襯?最簡單就係同閨蜜着同一款衫,感覺上好似着咗團體TEE,好有Twins嘅感覺,友誼度即時提升! 2.同款唔同色 Upgrade版就係同款clothing但唔同色,顏色多咗影相都無咁悶,有變化得嚟又keep返相同格調,而且仲可以揀返自己心水色!

  • 港女講日:真素顏美人! 跟日本女星養成5大護膚好習慣
    Style
    港女講日10 日前

    港女講日:真素顏美人! 跟日本女星養成5大護膚好習慣

    自從藝人個人IG興起,見到女星們素顏樣都唔係咩稀奇事,最近日本化妝品公司CLUB COSMETICS針對「素顏」攸調查,主題係「素顏都好正嘅藝人排行榜」,由500位20代-30代男女票選,唔知素顏女神頭5位又是係邊幾位日本女星呢? 第5位 深田恭子(9.0%) 第4位 石原聰美(9.4%) 第3位 北川景子(11.6%) 第2位 新垣結衣(20.6%) 第1位 佐佐木希(25.6%) 雖然結衣BB係上榜女星中唯一冇公開過素顏樣,但見佢平時淡妝都咁正,素顏都唔會差好遠,至於力壓結衣BB嘅就係日本最受歡迎女星佐佐木希,唔單只個人IG經常以素顏居家look示人,亦曾經於公開活動中素顏上場,都算係上榜女星中最常show off素顏嘅一位。 5位都係一致公認嘅大美人,皮膚又白又有彈性,除咗天生麗質,日常護理都好緊要,一齊養成5個天生好膚質嘅護膚習慣吧! 1.去角質 肌膚有過多老死細胞堆積,新生細胞就出唔到來,令肌膚唔夠透亮

  • 港女講日:日本夫婦冷戰23年! 4大情侶鬧交守則
    Style
    港女講日13 日前

    港女講日:日本夫婦冷戰23年! 4大情侶鬧交守則

    兩公婆鬧交冷戰在所難免,不過好少有隔夜仇,床頭打交總會床尾和。但日本有對夫妻居然冷戰長達23年,究竟所謂何事? 最近日本節目《探偵!ナイトスクープ》為慶祝30週年紀念,畀觀眾揀選十大最受歡迎節目片段,「23年不交談夫婦」榮登首位

  • 港女講日:慘過世界末日? 4個走出失戀陰霾嘅方法
    Style
    港女講日17 日前

    港女講日:慘過世界末日? 4個走出失戀陰霾嘅方法

    日本演員兼醫生西川史子,因為經常在節目暢談「年薪冇4,000萬日元嘅男人就唔嫁」嘅戀愛觀,拜金女形象深入民心。4年前離婚後,佢表示自己思想上成熟咗,知道錢唔係萬能。 自此西川好少提起自己嘅感情生活,不過上個月曾經喺節目上透露今年會再婚,覺得好幸福。好景不常,有網民發現西川呢排瘦咗好多,估佢唔係病就係失戀

  • 港女講日:禁忌關係美好愛情!學生迷戀老師4大原因
    Style
    港女講日17 日前

    港女講日:禁忌關係美好愛情!學生迷戀老師4大原因

    日本不論劇集、電影,不倫題材長拍長有,當中師生戀內容更加係大受女生歡迎。近日由松本潤、有村架純呢對「前兄妹」(日劇《失戀巧克力》中飾演兄妹)主演、改編自同名小說嘅電影《愛,不由自主》於香港上映,內容講述女大學生工藤泉(有村架純飾),有日收到高中老師葉山貴司(松本潤飾)嘅電話,重新勾起對佢嘅禁忌情愫,葉山礙於自己已婚加上兩人係師生關係,無辦法畀到承諾泉,同一時間舊同學又對泉展開熱烈追求… 或者大多數人中學時期都有呢種經驗:好易會畀一啲年輕老師吸引。男嘅覺得長髮飄逸嘅女老師係夢中情人,女嘅又會被高大又風趣嘅男老師所吸引…究竟點解中學生會咁迷戀老師呢? 1.有安全感 老師呢個職業本身就散發住某種「可靠」嘅光芒,啱啱踏入青春期,會令人好迷惘,呢個時候如果有個人出現,令佢哋覺得有安全感、可以依賴,不知不覺產生好感。

  • 港女講日:女追男隔層紗!3個搭訕方法接近心儀男生
    Style
    港女講日17 日前

    港女講日:女追男隔層紗!3個搭訕方法接近心儀男生

    原來男神福山雅治年輕時曾瘋狂被拒絕過!49歲型佬福山雅治事隔26年再踏入東京電視台參加音樂節目《Premiere MelodiX》,被問到當年由家鄉長崎到東京發展時,係咪經常喺澀谷街頭搭訕溝女?佢好坦白認有,可惜後生時唔受女性歡迎,溝女成功率少過1成! 咁福山用咩方法搭訕呢

  • 港女講日:素顏出街唔使怕!日本妹5個平靚正濃眉大法
    Style
    港女講日20 日前

    港女講日:素顏出街唔使怕!日本妹5個平靚正濃眉大法

    試問有幾多位女生敢零化妝出街?早前日本富士電視台播出晨間情報節目做街訪嘅片段,有眼利網民發現其中一位接受訪問嘅路人就係AV女優櫻木優希音! 櫻木喺節目播出之後收到好多粉絲嘅報告,令佢好後悔素顏出街,於twitter表示「早知就畀心機化妝啦!」其實櫻木五官算標緻,素顏反而仲清純,係條眉可以搞一搞,只要眉毛夠濃密,五官就會變得更立體

  • 港女講日:學做selfie queen!必學日本妹自拍5式
    Style
    港女講日28 日前

    港女講日:學做selfie queen!必學日本妹自拍5式

    最近網上唔少有網友分享softbank嘅新影片,內容關於「私立スマホ中学」呢個新服務,搵咗唔少名人扮老師同學生「特訓」,其中一條片係講一班女學生,用森翔太發明嘅「伸縮如意棒」當自拍棍自拍,雖然遠啲影塊面會細啲,但係都唔駛伸到冇雷公咁遠咁鬼誇啩! 

  • 港女講日:靚仔so what?日本妹票選型男單身10大理由
    Style
    港女講日29 日前

    港女講日:靚仔so what?日本妹票選型男單身10大理由

    人帥真好!無可否認,不論男女只要顏值出眾,著數點都多啲。不過靚仔又唔代表一定可以溝死女,日本網站goo Ranking曾做過一項調查,訪問超過500位女性,問佢哋「點解男人生得靚仔,都唔一定識到女朋友?」,講真,女人唔係外貌協會啦!

  • 港女講日:脫單有望!日本女性最易動心嘅訊息係咩?
    Style
    港女講日上個月

    港女講日:脫單有望!日本女性最易動心嘅訊息係咩?

    唔使扮嘢喇你,每個人都試過用whatsapp溝人/被溝,究竟一個點樣嘅訊息先會打動各位女生?日本「goo Ranking」就針對500位22-35歲女性做調查,睇吓咩訊息內容最易令佢哋失守! 第8名:問候訊息如「早晨」、「晚安」 257人 對方一朝早起身或者臨瞓前都諗起自己,感覺好warm。 第7名:一定會覆訊息 291人 「已讀不回」,女生最介意,同埋一定會亂諗,覺得對方對自己冇意思。

  • 港女講日:學定冇死!日本男星教路 5招氹女友大全
    Style
    港女講日上個月

    港女講日:學定冇死!日本男星教路 5招氹女友大全

    面對住發緊火嘅女友,德井既溫柔又溫柔咁道歉:「我完全唔係呢個意思,令你唔開心,真係好對唔住!」然後轉移話題問「你想唔想去食好嘢呀?」飾演女友嘅來賓Rosiel即刻下哂火,仲好配合話好想去食好西!同場男主持認為係因為德井靚仔先會過到骨,但女主持就持相反意見,覺得唔關外表事,最重要係「有誠意、真心認錯」。

  • 港女講日:太困擾!日本「貼身」神器幫女生趕走尷尬
    Style
    港女講日上個月

    港女講日:太困擾!日本「貼身」神器幫女生趕走尷尬

    為咗解決JK困擾,Wacoal推出名為「non!PK」內褲,用咗彈性伸展設計,保證內褲布料會跟隨屁股動作而郁動,咁就唔會咁易攝入屁股,用色及圖案亦比較粉嫩可愛,相信女高中生們應該會爭住買嚟著!內褲售價1000-1200日元不等,慘受「PK」困擾嘅女生,去日本時不妨買件試試!

  • 港女講日:求包養! 東京「港區女子」當大叔係移動銀包
    Style
    港女講日上個月

    港女講日:求包養! 東京「港區女子」當大叔係移動銀包

    好多網友紛紛痛批「港區女子」嘔心、唔知醜,質疑佢哋一定有肉體交易,但佢哋澄清冇諗過同大叔拍拖,feel到被人追時都會敷衍帶過。呢班後生女,唔駛點付出就日日過住貴婦生活,真係加爽歪歪,不過我真係好想知大叔係咩心態,真係會單憑「可愛」就無條件包養呢班女人?你哋信唔信?

  • 港女講日:後生女唔會明!熟女5個比少女吸引的原因
    Style
    港女講日上個月

    港女講日:後生女唔會明!熟女5個比少女吸引的原因

    最令人surprise嘅結果,要數第6位嘅石田百合子!現年48歲嘅石田,舊年根本無緣入榜,今年突然從榜外跳升至第6名,人氣日劇《逃跑雖可恥但有用》扮演結衣bb阿姨一角功不可沒,男士普遍認為石田成熟中又帶點可愛及治癒感,係理想嘅溫柔女友!

  • 港女講日:見工必勝! 跟日本妹學求職服飾打扮Tips
    Style
    港女講日上個月

    港女講日:見工必勝! 跟日本妹學求職服飾打扮Tips

    適逢日本大學畢業生求職旺季,咁啱有網民@HOCOTEN於twitter發佈意外捕捉嘅畫面:主角係一堆求職女生過馬路嘅背影,佢哋衣著全部都係…馬尾+套裝+杏色乾濕褸+黑色公事包+黑色高踭鞋!

  • 港女講日:戀愛觀大不同!1997~2017年日本DK生活大回顧
    Style
    港女講日上個月

    港女講日:戀愛觀大不同!1997~2017年日本DK生活大回顧

    之前日本網站エキサイト為慶祝20週年推出回顧《日本女高中生20年流行史》企劃,於twitter做成好大回響。講完JK,終於到DK(男高中生),再度由作家伊藤紺及插畫家ery合作,將近20年男高中生生態用插畫表達出來,唔知大家又係邊個年代呢?

  • 港女講日:斷捨離!5種衣服應該立即從衣櫃裡清理
    Style
    港女講日上個月

    港女講日:斷捨離!5種衣服應該立即從衣櫃裡清理

    爆紅混血模特兒滝沢カレン,以奇怪日語「趣味在宅」、「俺松本潤」等幫名人改嘅四字成語名成功引起觀眾關注,早前出席午間清談節目《メレンゲの気持ち》時分享自己換季習慣,表示「每半年就會清一次衣櫃,唔要嘅衫會送畀朋友或扔掉,冬天衣櫃唔會有春夏服裝。」 紅咗果然就係任性,每半年就可以買一堆新衫!滝沢就解釋,每季清衣櫃係因為自己係專業model,好應該著當季最新最潮服飾,所以唔敢著過季衫。諗諗吓,發覺自己勁耐冇執過衣櫃,有一大堆衫唔著但又唔捨得掉,所以其實我都幾欣賞滝沢呢種定期換衣櫃嘅習慣,某程度都係斷捨離嘅實踐!

  • 港女講日:惡習快改!令男人熱情冷卻的5個NG行為
    Style
    港女講日2 個月前

    港女講日:惡習快改!令男人熱情冷卻的5個NG行為

    相見好同住難愛,好多日本女生做咗人妻後成為「惡妻」,不自覺做咗好多舉動觸動老公神經,一齊聽吓以下日男暗黑真心話,探討令老公熱情冷卻嘅地雷行為: 1.經常抱怨丈夫人工太低 講錢傷感情,雖然公一份婆一份好正常,但好多男人從小被教育成為家庭經濟支柱,就算只係唔覺意呻一呻,都好易傷及老公自尊。 2.成日同人比較 避免講「人哋XX個老公買多嘢畀老婆,好鍚老婆」、「人哋XX個老豆好有耐性,成日同小朋友玩」之類嘅比較,老公好易會對號入座,激發怒氣。 3.有你講冇人講 做太太可以同另一半分享所見所聞,但唔可以自我中心,你有你講,唔care老公當下狀況,呢一刻佢未必想聽,又或者佢其實有嘢想講,但因為你自顧自講,令老公長期抑壓,冇地方宣洩。 4.批評老公嗜好或興趣 男人係大細路,鍾意打機砌模型等,做女人可能未必完全理解,唔鍾意佢哋用咁多時間及金錢喺興趣上,但都要互相尊重。