• 《廿五歲以後,我們急速衰老⋯⋯》
    Style
    港女友28 日前

    《廿五歲以後,我們急速衰老⋯⋯》

    廿五歲之前,聽過好多人話「女人廿五歲皮膚就開始老化⋯⋯」,「女人廿五歲之後就老得好快⋯⋯」,當時仲係青春少艾嘅我覺得呢班人真係唯恐天下不亂,老一歲咋喎會唔會咁誇張?何況二十五其實都好後生啫。轉眼去到廿六歲嘅尾聲,我開始感受到當日佢哋講嘅說話,廿五歲之後,我身心都好似起了變化。

  • 《那個為你放下原則的人》
    Style
    港女友29 日前

    《那個為你放下原則的人》

    有個處女座朋友,一向都好多堅持同原則,唔鍾意事情被打亂,鍾意物件整齊排列好等等⋯⋯一個對生活嘅細節都有咁多堅持嘅人,大家都以為佢會搵番一個同佢有差唔多原則嘅人,點知佢搵咗一個自由奔放,生活好隨性嘅男仔。記得呢個處女座朋友有嚴重潔癖,話過唔會去非大城市嘅地方旅行⋯⋯最後佢同男朋友去咗西藏去咗柬埔寨,唔係愛情醫好佢嘅潔癖,而係愛情令佢願意讓步。

  • 《以朋友的名義去愛一個人》
    Style
    港女友上個月

    《以朋友的名義去愛一個人》

    一段感情最令人覺得進退兩難嘅,就係「友達以上,戀人未滿」嘅階段。用朋友嘅名義去留喺一個人身邊,但係自己嘅心卻係深愛住對方。唔敢主動向前跨出一步,因為怕會失去呢個朋友,不過又無辦法後退一步,叫自己嘅心停止去愛。於是就進不可攻,退亦不可守。

  • 《女仔想要的是一個男人,不是男孩》
    Style
    港女友上個月

    《女仔想要的是一個男人,不是男孩》

    「男仔」同「男人」同樣都係指雄性生物,但係意思其實好唔一樣,每個男人都曾經係男仔,但唔係每個男仔最後都會變成男人。有好多男仔幼稚一生,到最後都唔知道咩叫做承擔同負責任。

  • 《一個煩過你阿媽嘅朋友》
    Style
    港女友上個月

    《一個煩過你阿媽嘅朋友》

    唔同嘅朋友就自然有唔同嘅性格特質,有啲朋友好似你嘅buddy,會同你一齊做盡白痴事。又有啲朋友係你嘅心理醫生,可以聽你訴苦畀意見你。而其中有一種朋友我係最驚,就係佢哋會好似你阿媽咁,管住你,咩都要問咩都要知,又會用一種食鹽多過你食米嘅態度去對你嘅事指手畫腳。

  • 《有啲人真係唔適合生仔》
    Style
    港女友上個月

    《有啲人真係唔適合生仔》

    以前細個嘅時候,眼見所有大人都係結婚,然後生仔⋯⋯於是就以為生仔乃係一對夫妻應該做嘅事,正常程序是也。到大個咗,除咗發現有啲夫妻原來係會選擇唔生小朋友之外,亦都好深深地感受到有啲人真係唔應該生小朋友,唔應該害咗個小朋友同呢個世界。

  • 《愛情就好似一場馬拉松》
    Style
    港女友上個月

    《愛情就好似一場馬拉松》

    一對情人或者一對夫妻喺埋一齊,其實就好似兩個人一齊去跑馬拉松。雖然睇唔到終點,但都要一直跑,一直跑⋯⋯而且沿途有唔同嘅障礙,根本就係一場耐力消耗戰,中途總會令你覺得乏力同好想放棄,所以好需要兩個人互相幫助同支持。而最重要嘅係呢場馬拉松唔可以一個人去跑完,要兩個人一齊跑完先有意義。 所以喺呢場愛情馬拉松入面,最重要嘅係搵一個可以同你一齊跑嘅伴侶

  • 《坦誠接受他不愛你吧》
    Style
    港女友上個月

    《坦誠接受他不愛你吧》

    有個朋友單戀一個男仔,曾經明示暗示表達過自己嘅愛,對方亦都好明確地表示咗自己唔會同呢個女仔一齊,亦都只當呢個女仔係朋友。但係女仔就好似心有不甘,覺得自己「偉大嘅愛情」不被了解,然後開始喺網上公開地抒發自己嘅傷感,覺得自己被傷害,覺得自己嘅愛情得唔到回應,講到好似被人辜負一樣。另一方面又會間中WhatsApp個男仔盡訴心中情,講下自己愛得幾辛苦⋯⋯

  • 《對方不需要你認為的「為他好」》
    Style
    港女友上個月

    《對方不需要你認為的「為他好」》

    任何關係都好,最重要亦係最難嘅就係易地而處。「也許相愛很難,就難在其實雙方各有各寄望,怎麼辦?」兩個再親密再相似嘅人,都唔可能喺任何情況下都睇法同願望一致,而如果你真係想一件事好,或者想一段關係好,就唔可以淨係用自己嘅角度思考,甚至用自己嘅一套放落對方身上。

  • 《同情人鬧交之必要》
    Style
    港女友2 個月前

    《同情人鬧交之必要》

    兩個人喺埋一齊,難免會有意見不合嘅時候,有爭執都係正常不過嘅事。但我有個朋友好憎亦好怕鬧交,佢話唔知係咪因為細個成日見到父母鬧交,令佢對嗌交呢件事特別討厭,所以佢同男朋友從來無嗌過交。

  • 《珍惜你仲可以番屋企食飯嘅日子》
    Style
    港女友2 個月前

    《珍惜你仲可以番屋企食飯嘅日子》

    我諗我同好多人一樣,細個同父母關係都算幾好,然後去到青春期就突然想掙脫父母嘅束縛,於是不知不覺間會同父母愈行愈遠。再眨眼就已經去到廿幾三十歲,開始了解父母嘅辛酸,開始想要揹起一啲責任,然後驚覺父母已經老咗好多好多。

  • 《當你認識多年的朋友要結婚了》
    Style
    港女友2 個月前

    《當你認識多年的朋友要結婚了》

    自從我過咗二十五歲之後,慢慢開始愈嚟愈多以前嘅同學結婚,今日見到有個同學宣佈自己有咗BB⋯⋯雖然唔係同佢好熟,但係突然諗番起以前十幾歲時識佢嘅場景,突然覺得時間好快,原來不經不覺間已經被推入人生下一階段,當日稚氣嘅小女孩亦已經離開得好遠好遠。

  • 《如果你的工作開始影響你的情緒》
    Style
    港女友2 個月前

    《如果你的工作開始影響你的情緒》

    香港地一個正常打工仔每日除咗瞓覺,用最多時間就係喺工作上面,所以工作得開唔開心其實對一個人嘅身心都好大影響。一份討厭嘅工作真係會令你每朝起身開始就覺得痛苦,到放工之後都一樣元氣大傷無辦法覺得開心。雖然十個有九個人都唔會真心鍾意番工,但如果你份工係嚴重影響緊你嘅情緒時,你真係好需要辭職。

  • 《那些年我們都為過某某死去活來》
    Style
    港女友2 個月前

    《那些年我們都為過某某死去活來》

    現實生活入面,好多人嘅那些年都唔係好似電影咁美好,反而係傷痕纍纍,滿目瘡痍。好多人青春時期嘅愛情,都係一路跌跌撞撞,傷害過人又被傷害過,曾經為咗某某死去活來。

  • 《愛情扣分制》
    Style
    港女友2 個月前

    《愛情扣分制》

    愛情如果係一個計分制度,咁拍拖之前就係加分制,拍拖之後就會變成扣分制。

  • 《香港拍拖真係好鬼悶》
    Style
    港女友2 個月前

    《香港拍拖真係好鬼悶》

    喺香港拍拖其實真係好無聊,本來香港已經好細唔多地方可以去,仲要人多車多旅客多,加上樣樣都係講緊錢錢錢,一對普通收入又未同居嘅情侶拍拖真係唔知去邊好!個個屋企都好細,阿爸阿媽兄弟姊妹喺哂屋企,再帶多個男朋友番去已經無位坐,就算有位都係你眼望我眼! 除非兩個人有共同嘅興趣,例如行山跑步,或者番教會,唔係仲有咩好做?行街睇戲食飯係基本,而且係每次約會嘅基本,而最令人覺得悶嘅係香港有街你行嘅通常都係大商場啦,而香港大商場最大特色係咩

  • 《因為兩個人一起,所以有意義》
    Style
    港女友2 個月前

    《因為兩個人一起,所以有意義》

    拍拖就係咁,有好多嘢其實係可以自己去做,但係總係希望對方喺自己身邊,同自己一齊去分享嗰啲時刻。因為一個再普通嘅時刻,一旦加上咗愛情,就會突然變得有意義。每個人愛上一個人嘅時候都會係咁,每個重要定唔重要嘅moment,都好想對方喺度,食到好味嘅嘢睇到好靚嘅風景,甚至係聽到一首好聽嘅歌,睇到一條好笑嘅片,都會希望分享畀對方。有時見到一間想去嘅餐廳,一個想去嘅地方,我都會希望另一半同我一齊去,唔係因為自己去唔到,而係因為我好享受兩個人一齊去做一件事嘅過程。一齊去發掘新事物,一齊去感受一齊去分享,令到一個普通嘅事一餐普通嘅飯都突然變得充滿意義。

  • 《不屬於你的東西就放手》
    Style
    港女友2 個月前

    《不屬於你的東西就放手》

    大部分人似乎都係犯賤嘅生物,愈得唔到嘅嘢就想得到,愈對自己愛理不理嘅人就愈想去接近,我哋都總係覺得得唔到嘅東西特別美麗,對唔屬於自己嘅故事都特別嚮往。於是好多人都拼命去追嗰隻唔會為自己停低嘅風箏,即使沿途跌到損手爛腳,都依然高呼:「不經一番寒徹骨,焉得梅花撲鼻香!」

  • 《單身有時是為了逃避再受傷害》
    Style
    港女友2 個月前

    《單身有時是為了逃避再受傷害》

    單身係一種可以養成嘅習慣,由一開始心不甘,情不願地被迫單身,到後來時間耐咗,太習慣一個人嘅時候,反而變咗係害怕再去搵一個人由零開始,好似唔再識拍拖。一個習慣維持得太耐就會變成舒適圈,圈住自己⋯⋯拍拖太耐會害怕單身,單身太耐都一樣會害怕拍拖。

  • 《幸福就是不偏不倚的,剛剛好》
    Style
    港女友2 個月前

    《幸福就是不偏不倚的,剛剛好》

    幸福係一種心情,一種對於自己所擁有嘅嘢感到滿足嘅心情,所以知足嘅人總係覺得自己幸福。愛情上面,能夠令你感到幸福滿足,就係呢段愛情,呢個愛人令你覺得唔多唔少,所有嘢都啱啱好。

  • 《走下去比分手更需要勇氣》
    Style
    港女友2 個月前

    《走下去比分手更需要勇氣》

    但係你逃到去邊度都好,你都無辦法搵到一個同你完美配合,零缺點嘅人。你無可能永遠逃避同另一半磨合嘅難熬過程,你無可能永遠喺度等其他人幫你打磨好一把完美,又完全適合你嘅寶劍,仲要拱手相讓埋畀你,然後你就可以不勞而獲。其他人白頭到老嘅愛情唔係因為天生就係perfect match,而係經歷過好多次磨合,而兩個人仍然堅守落嚟嘅成果。

  • 《放唔低因為你仲相信佢係愛你》
    Style
    港女友2 個月前

    《放唔低因為你仲相信佢係愛你》

    我哋都曾經有過執迷不悟嘅時候,明知繼續愛落去只會令自己受盡折磨,明知對方唔會同自己開花結果,明知對方已經選擇放棄自己,但係都死不放手。講過千次萬次要放棄,對對方講過狠說話,又對自己下定過好多次決心,但係始終離唔開,放唔低。

  • 《人愈大,好像愈難去愛上別人》
    Style
    港女友2 個月前

    《人愈大,好像愈難去愛上別人》

    最近同一個單身朋友傾開計,佢話佢覺得自己依家大個咗,好似已經唔知點樣去鍾意一個人。以前細個可能真係會因為對方嘅外表,或者一個行為就覺得心動覺得喜歡。但係人愈大,拍過幾次拖,愛過幾個人,亦都失過幾次戀之後,反而好似連最簡單嘅「喜歡一個人」都唔識。

  • 《任何關係裡最重要的是體諒》
    Style
    港女友2 個月前

    《任何關係裡最重要的是體諒》

    人與人之間唔同嘅關係入面,有好多爭執同不滿,甚至係對一個人嘅討厭,都係源於覺得自己無被對方理解,又覺得對方唔識得體諒自己。例如係嗰個成日覺得你好得閒無嘢做,於是不停畀嘢你做嘅上司。又或者係嗰個唔知你喺外面已經好辛苦好努力,仍然不停催促你要做得更好嘅家人。甚或乎係你以為最明白你,但原來都無企喺你立場諗嘅愛人。

  • 《朋友,貴精不貴多》
    Style
    港女友2 個月前

    《朋友,貴精不貴多》

    細個嘅時候覺得朋友好重要,朋友嘅數量好似直接反映緊自己嘅價值,以前總係害怕一個人,總係想有一大班朋友陪住自己。到大個咗,好多曾經好friend嘅朋友都喺不知不覺間走遠,走下走下,身邊嘅舊朋友愈嚟愈少,但同時愈嚟愈精。咁多年過去都留喺身邊嘅,先係打風都打唔甩嘅好朋友。